Июнь – “Жаслар айлығы”ның старты: Ҳәр бир балаға меҳир, итибар!

Бүгин, 31 май күни Жаслар аўқамы Қарақалпақстан Республикалық Кеңеси, Балаларды ҳәм шаңарақларды қоллап-қуўатлаў ассоцациясы Қарақалпақстан Республикалық бөлими, Сүйениш орайы, Исеним орайы, Арқа батыс әскерий округи менен биргеликте 1-июнь – Халық аралық балаларды қорғаў күни мүнәсибети менен “Ҳәр бир балаға меҳир, итибар!” ураны астында 60 имканияты шекленген балаларға қайырхомлық мәдений илажи өткерилип, оларға байрам дастурханы жайылды.
Әсиресе, ертек қаҳарманлары ҳәм масқарапазлар балаларға хош-кейпият, қуўаныш бағышлады.

Бул илаж, Жаслар аўқамы Қарақалпақстан Республикалық Кеңеси басламасындағы “Бахытлы балалық” жойбары шеңбериндеги ең дәслепкиси болып табылады.

Индира Мамбетназарова

Дерек: Kar24.uz – Биз ёзишдан олдин ўйлаймиз

Комментарии